Hönnunarsamkeppni

Borgarhöfða

Hannaðu hjartað í hverfinu ❤️

Klasi fasteignaþróunarfélag efnir til hönnunarsamkeppni vegna fyrirhugaðrar uppbyggingar á Borgarhöfða. Um er að ræða nútímalegt skrifstofuhúsnæði, fjölnota samkomuhús og Krossamýrartorg. Reiturinn verður hjartað í nýjum, sjálfbærum og fallegum borgarhluta í Reykjavík. Taktu þátt og settu mark þitt á framtíð borgarinnar.

Umsóknarfrestur er til 25. nóvember.

Fasteignaþróunarfélagið Klasi ehf. auglýsir eftir þátttakendum (teymi/stofur) í forval sem leiðir til þess að allt að fimm teymi/stofur fá tækifæri til að taka þátt í samkeppni á forhönnun bygginga og torgs á reit 9A á Borgarhöfða. Markmiðið með samkeppninni er að finna metnaðarfullt hönnunarteymi til að vinna að lokahönnun á reit 9A í samstarfi við Klasa. Hönnun á nútíma skrifstofuhúsnæði, fjölnota samkomuhúsi og Krossamýrartorgi. Hönnun sem skapar fjölbreytt og metnaðarfullt umhverfi atvinnu, afþreyingar og upplifunar, sem tekur mið af umhverfissjónarmiðum. Tillagan á að uppfylla allar helstu kröfur framtíðar fyrir atvinnuhúsnæði s.s. sveigjanleika, fjölbreytileika, sjálfbærni og umhverfisáherslur, aðkomu, flæði og aðgengi. Svæðið hefur síðustu áratugi verið athafna- og iðnaðarstarfsemi en mun á næstu árum taka miklum breytingum og verða þétt borgarmiðað hverfi með lífvænlega byggð þar sem fólk er í fyrsta forgangi. Borgarhöfði á Ártúnshöfða við Elliðaárvog er næsta uppbyggingarhverfi í Reykjavík. Svæðið er skilgreint sem lykilsvæði í Aðalskipulagi Reykjavíkur 2040.

Samkeppnin
Samkeppnin er í tveimur þrepum sem hefst á forvali, úr forvali verða allt að fimm teymi/stofur valin til að halda áfram í samkeppni um hönnun á reit 9A á Borgarhöfða. Valnefnd mun mögulega óska eftir viðtölum við þátttakendur við mat á umsóknum. Þau teymi/stofur sem komast áfram í samkeppnina fá öll greiddar 4 milljónir kr. án vsk.við skil tillagna og vinningstillagan fær 1 milljón aukalega. Miðað er við að hönnunarsamningur verði gerður við sigurvegara keppninnar.

Dómnefnd
Valnefnd er skipuð fulltrúum verkkaupa (Klasa ehf.) sem fer yfir umsóknir í forvali. Klasi ehf. skipar dómnefnd samkeppninnar en þar sitja m.a. arkitekt og landslagsarkitekt.

Tímalína

  • Auglýst eftir teymum í forval 11. – 25. nóvember 2022
  • Tímafrestur til að skila inn umsókn og ferilskrá 25. nóvember 2022
  • Valnefnd tilkynnir teymi sem komast áfram í samkeppni 9. desember 2022
  • Samkeppnislýsing og samkeppnisgögn afhent 16. desember 2022
  • Milliskil á tillögum og kynning fyrir dómnefnd 3. febrúar 2023 / 6.- 10. febrúar 2023
  • Lokaskil á tillögum og kynning fyrir dómnefnd 3. mars 2023 / 6. -10. mars 2023
  • Niðurstöður dómnefndar kynntar 23. mars 2023

Í umsóknum skal eftirfarandi koma fram:

  • Nafn stofu eða teymis
  • Nafn tengiliðs
  • Netfang tengiliðs
  • Sími tengiliðs
  • Nöfn þátttakenda
  • Fylgiskjöl
  • Ferilskrá með upplýsingum um reynslu af sambærilegum verkefnum

Upplýsingar og gögn:

Aðalskipulag Reykjavíkur 2040 uppdráttur
Aðalskipulag Reykjavíkur 2040 greinargerð
Ártúnshöfði við Elliðaárvog – svæði 1. Deiliskipulag. Uppdráttur: 300-2 (skipulagsstofnun.is)
Ártúnshöfði við Elliðaárvog – svæði 1. Deiliskipulag. Greinargerð: DisplayDoc.aspx (skipulagsstofnun.is)
Ártúnshöfði við Elliðaárvog – svæði 1. Deiliskipulag. Skýringaruppdráttur – 300-2 (skipulagsstofnun.is)
Ártúnshöfði við Elliðaárvog – svæði 1. Deiliskipulag. Skýringaruppdráttur – 300-2 (skipulagsstofnun.is)
Ártúnshöfði við Elliðaárvog – svæði 1. Deiliskipulag. Skýringaruppdráttur – 300-2 (skipulagsstofnun.is)
Hönnunarhandbók – Hönnunarhandbók.pdf (reykjavik.is)
Um svæðið og verkefnið
About the area and the project in English

Netfang fyrir nánari upplýsingar og til að senda inn umsókn er: solveig@klasi.is

1.230 íbúðir
á besta stað

3.000 íbúðir
í blandaðri byggð

40.000 fm
verslun, þjónusta og skrifstofur

1.500 störf
í hjarta nýs borgarhluta

hásæti höfuðborgarinnar